رێڤه‌به‌رێ گشتييێ كاروبارێن ئێزديان راگه‌هاند، بڕیارا سه‌رۆكێ حكومه‌تا هه‌رێما كوردستانێ ده‌لیڤه‌یه‌كا گرنگ و مه‌زن بۆ رزگاربوويان په‌یداكر، كو بكارن خەونێن خۆ بكەنه راستی، پاشه‌رۆژا خۆ مسۆگەرتر بكەن و شيانێن خۆ پێشڤه‌ببه‌ن.
سعوود مستۆ، رێڤه‌به‌رێ گشتييێ كاروبارێن ئێزديان ل وه‌زاره‌تا ئه‌وقاف و كاروبارێن ئايينى گۆت: ئه‌ڤرۆ پێنج شه‌مبێ 24ى ته‌مموزا 2025، راگه‌هاند: ئاسانكاریێن مه‌سروور بارزانى، سه‌رۆكێ حكومه‌تا هه‌رێما كوردستانێ بۆ ڤەگەڕیان و بەردەوامیدان ب پرۆسه‌یا خواندنێ بۆ رزگاربوویێن ژ دەستێن تیرۆرستێن داعشێ، پێنگاڤه‌كا گرنگه و پشته‌ڤانیيه‌كا مه‌زنه، سوپاسيا سه‌رۆكێ حكومه‌تێ ژى كر بۆ وەرگرتنا رزگاربوویان ل زانکۆ و پەیمانگەهان.
گۆتژى: ئه‌ڤ پڕۆژه‌يێ گرنگ يێ سه‌رۆكێ حكومه‌تێ، ڕێخۆشكرنه‌كه بۆ رزگاربوويان يێن مه‌رجێن خواندنێ ژێ دگرن كو بكارن به‌رده‌واميیێ ب خواندنا خۆ بده‌ن و ل زانكۆ و په‌يمانگه‌هێن هه‌رێما كوردستانێ بهێنه وه‌رگرتن.
سعوود مستۆ ئاماژه ب وێ چه‌ندێ دا، ئه‌ڤ بڕياره، به‌رده‌واميدانه بۆ پشته‌ڤانيكرنا بێ سنوور بۆ جڤاكا ئێزدى و ب خه‌مخۆرێ بناڤكر.