مەزلووم عەبدی، فەرماندارێ هێزێن سووریا دیمۆکراتیک د هەیڤپەیڤینەکا تێلەڤزیۆنی دا بەحسێ رێککەفتنا ل گەل حکومەتا سووریێ کر.
مەزلووم عەبدی دبێژیت؛ هێلێن پەیوەندییان ل گەل حکومەتا سووریێ بەردەوام د ڤەکری نە و ئەم ل گەل ئەحمەد شەرعی رێککەفتینە، ئێک سووریا، ئێک سۆپا و ئێک ئالا. ئەم پێگیری رێککەفتنێی نە، لێ بجهئینانێ دەم دڤێت.
هەروەسا گۆت: دێ بینە پشکەک ژ وەزارەتا بەرگرییا سووریێ و تەڤلیکرنا 100 هزار چەکداران ل گەل سۆپایی پرۆسەیەکا مەزنە. مە داخواز ژ دیمەشقێ کرییە سازییێن حکومی ل رەققە و حەسەکێ و دێرەزوورێ بدانیت. نەمەرکەزیەت رامانا دابەشبوونا سووریێ نادەت.
دەربارەی مافێن کوردان ژی گۆت: مە داخوازکرییە زمانێ کوردی ل گەل زمانێ عەرەبی ببنە زمانێن فەرمی. دیمەشقێ سۆز دایە داخوازییێن پاراستنا مافێن کوردان ب پارێزیت.
دیمەشقێ داخوازا پاشخستنا کۆمبوونا پاریسێ کرییە ژ بەر رویدانێن سوەیدا.