سه‌رۆك نێچیرڤان بارزانى مالئاڤاهى ل كونسلێ گشتییێ قه‌ته‌ر كر

سه‌رۆك نێچیرڤان بارزانى مالئاڤاهى ل كونسلێ گشتى یێ قه‌ته‌رێ ل هه‌رێما كوردستانێ كر و دوپاتى ل په‌یوه‌ندیێن ل گه‌ل وى وه‌لاتى كر.

ئه‌ڤرۆ چارشه‌مبێ 30-7-2025 نێچیرڤان بارزانى، سه‌رۆكێ هه‌رێما كوردستانێ مالئاڤاهى ل حسێن بن عه‌لى ئه‌لفه‌زاله، كونسلێ گشتى یێ قه‌ته‌رێ ل هه‌رێما كوردستانی كر و هیڤییا سه‌ركه‌فتنێ د ئه‌ركێ وى یێ نوى دا بۆ خواست و رۆل وبزاڤێن میر و سه‌ركردایه‌تییا قه‌ته‌رێ بۆ ئارامى و سه‌قامگێرییا ناوچێ و پاراستنا ئاشتیێ بلند نرخاند.

ئه‌لفه‌زاله‌ زێده‌بارى ده‌ربڕین و سوپاسى و پێزانین بۆ ئالیێن په‌یوه‌ندیدارێن هه‌رێما كوردستانێ بۆ هاریكارى و پشته‌ڤانی ل سه‌رخستنا ئه‌ركێ وى دوپاتكر كو وه‌لاتێ وى ب گرنگى ل په‌یوه‌ندیێن ل گه‌ل ئیراق و هه‌رێما كوردستانێ ته‌ماشه‌ دكه‌ت و خوازیاره‌ د وارێن جودا دا گرنگییه‌كا زێده‌تر ب هاریكارییا هه‌ڤپشك بده‌ت.