هێشتا وەزارەتا دارایی یا ئیراقێ مووچەیێ هەیڤا پێنج یێن فەرمانبەر و مووچەخۆرێن هەرێما کوردستانێ نەهنارتییە و دبێژن، پارەیێ کاش لبەر دەست نینە.
تەیف سامی، وەزیرا دارایی یا ئیراقێ ئەڤرۆ گۆتییە: بریارا هنارتنا مووچەیێ هەیڤا 5 هاتییە دەرخستن، لێ نوکە پارەیێ کاش ل بەردەست نینە بۆ هەرێمێ بهنێرین.
ل گۆرەی زانیارییان، تەیف سامییێ داخواز ژ بەنکا ناڤەندی یا ئیراقێ کرییە سێ ترلیۆن دیناران بۆ بهنێرن داکو مووچەیێ هەرێمێ و هندەک کارێن دی پێ بکەن.
ئەگەر ئەڤرۆ بەنکا ناڤەندی پارە هنارت، دبیت ئەڤرۆ بۆ هەرێمێ بهێتە هنارتن.
زانیاری بەحس دکەن کو دبیت هنارتنا پارەیی بچیتە سوباهی یان شەمبییێ. ئەگەر ب وی رەنگی بیت، ب ئەگەرەکێ مەزن هەیە بەلاڤکرنا مووچەیی بچیتە دەستپێکا حەفتییا بهێت