نێچيرڤان بارزانى، سه‌رۆكێ هه‌رێما كوردستانێ پێشوازی ل هانۆ پێڤكور، وه‌زيرێ به‌رگريیا ئيستۆنيا و شاندێ دگه‌لدا كر.
سه‌رۆكایه‌تییا هه‌رێما كوردستانێ دیاركر، د كۆمبوونا واندا په‌یوه‌ندییێن دناڤبه‌را ئیستۆنیا دگه‌ل عیراق و هه‌رێمێ ب تایبه‌تى د بیاڤێ هاریكارییا ئێمناهییێدا، ڕۆلێ ئیستۆنیا د چارچۆڤێ هه‌ڤپه‌یمانییا نیڤده‌وله‌تى دژى داعشدا هاتنه به‌حسكرن.
نێچيرڤان بارزانى سوپاسییا حكومه‌تا ئیستۆنیا د به‌رهه‌نگاربوونا تیرۆرێدا كر، ئاماده‌ییا هه‌رێمێ بۆ پێشڤه‌برنا هاریكارییێن هه‌ڤپشك د هه‌موو بیاڤاندا نیشاندا، وه‌زيرێ به‌رگريیا ئيستۆنيا ستایشا ڕۆلێ هه‌رێما كوردستانێ د تێكشكاندنا داعش و به‌رهه‌نگاربوونا تیرۆرێدا كر.