رەجەب تەیب ئەردۆگان سەرۆککۆمارێ تورکیا دەربارەی پرۆسەیا ئاشتییێ ل گەل پەرلەمانتارێن ئاکەپێ کۆمبوو و راگەهاند: دێ چەکێ پەکەکێ هەمییێ سۆژین.
ل گۆرەی راپۆرتەکا رۆژنامەیا یەنی شەفەق یا تورکی، رەجەب تەیب ئەردۆگان سەرۆککۆمارێ تورکیا د چارچووڤەیێ دیدارەکێ دا ل گەل پەرلەمانتارێن ئاکەپێ، زانیارییێن گرنگ دەربارەی پرۆسەیا ئاشتییێ ئاشکراکرن و راگەهاند:ل ڤان نێزیکان ل دۆر وێ پرسێ دێ لژنەیەکا تایبەت ل پەرلەمانێ پێکئینن.
ئەردۆگانی گۆتییە ژی: پرۆسە وەکی تورکیا دڤێت، بێ کێشە برێڤەدچیت و راپرتێن مەیدانی ژی دوپاتییێ ل وێ یەکێ دکەن.
هەروەسا ئاماژە ب وێ یەکێ ژی دایە: چارشەمبییا بهێت دێ ل گەل شاندا دەم پارتییێ کۆمبم، ئەوا وان بەحسکری ب دەستڤەهاتییە و دێ بەحس ل وێ یەکێ کەین کا دێ هێتە ب جهئینان یان ژی نە.
سەرۆککۆمارێ تورکیا بەحس ل پرۆسەیا رادەستکرنا چەکی ژ ئالییێ پەکەکێ ژی کر و گۆت: ل ڤان نێزیکان دێ دیمەنێن ژناڤبرنا چەکان بەلاڤکەین، ئەو چەکێن دهێنە رادەستکرن،ب ئامیرێن کارەبێ دێ هێنە سۆتن و ژناڤبرن