جێگرێ سەرۆكێ پەرلەمانێ عیراقێ ڕاگەهاند: چاڤەرێینە ل دەستپێكا حەفتییا بهێت دادگەها فیدرالی یا عیراقێ بۆ دەركرنا بریارەكێ دەربارەیی موچەیێ هەرێما كوردستانێ كۆمبیت و بریارێ بدەت، گۆت ژی،" هەتا بابەتێ موچەیی ئێكلا نەبیت" رێ نادەین روونشتنا پەرلەمانی بهێتە كرن.
ئەڤرۆ چارشەمبی، 11-06-2025 ێ، شاخەوان عەبدوللا، جێگرێ سەرۆكێ پەرلەمانێ عیراقێ د كۆنفرانسەكێ رۆژنامەڤانیدا گۆتی،" حەفتییا بەری جەژنێ رێكارێن یاسایی هەموو تەمام كرینە، ب هیڤینە د چەند رۆژێن بهێت دا ژ لایێ دادگەها فیدرالی ڤە بریار لسەر هنارتنا موچەی بهێتە دان.
پشكەك ژ دادوەرێن دادگەها فیدرالی یا عیراقێ بۆ رێورەسمێن حەجێ چووبوونە سعودیێ، ژبەر هندێ بەری جەژنێ بریار لسەر بابەتێ موچەی نە هاتبوو دان.