سوبه‌هى دادگه‌ها فیدرال دێ ل دۆر مووچه‌یێن فه‌رمانبه‌رێن هه‌رێما كوردستانی كۆمبیت، پرسا مووچه‌یى مژارا سه‌ره‌كى یا كۆمبوونێ یه.
ئه‌ڤرۆ د كۆمبوونا جڤاتا وه‌زارێن هه‌رێما كوردستانێ دا مه‌سروور بارزانى، سه‌رۆكێ حكومه‌تا هه‌رێما كوردستانێ دیاركریه، وى نامه‌یه‌كا تایبه‌ت بۆ دادگه‌ها فیدرال هنارتییه و تێدا خواستییه كێشه‌یا مووچه‌یى بهێته چاره‌كرن.
ل گۆڕه‌یى زانیارییان، سوبه‌هى پێنجشه‌مبێ دادگه‌ها فیدرال دێ كۆمبیت و هه‌مى ئه‌ندامێن دادگه‌هێ هاتینه ئاگه‌هداركرن ل دۆرئاماده‌بوونا سوبه‌هى.
زانیارى دیاردكه‌ن پێشبینییه دادگه‌هـ ئه‌مره‌كێ وه‌لائى بۆ هنارتنا مووچه‌یێن فه‌رمانبه‌رێن هه‌رێما كوردستانێ ده‌ربێخیت كو 18 رۆژن لیستا مووچه‌یان ژ ئالییێ حكومه‌تا هه‌رێمێ ڤه بۆ به‌غدا هاتییه ره‌وانه‌كرن لێ به‌غدا مووچه ره‌وانه نه‌كرینه.