سەرۆکێ حکومەتا هەرێما کوردستانێ راگەهاند، مووچە بابەتەکێ گرنگە و مافێ خەلکى یە و نەدانا مووچەیى ستەمە ل خەلکى دهێتەکرن و نامەیەک ژى بۆ دادگەها فیدرال هنارتییە کو بابەتى چارە بکەن.
مەسروور بارزانى، سەرۆکێ حکومەتا هەرێما کوردستانێ د کۆمبوونا جڤاتا وه‌زیران دا راگه‌هاند، ئه‌و چاڤه‌رێى به‌غدانه و هیڤى خواست دادگه‌هـ د قازانجا خه‌لكێ كوردستانێ و مووچه‌خۆرێن هه‌رێمێ دا بڕیارێ بده‌ت.
ل گۆڕه‌یى زانیارییان د كۆمبوونا جڤاتا وه‌زیران دا مه‌سروور بارزانى، سه‌رۆكێ حكومه‌تا هه‌رێما كوردستانێ ل به‌راهییا هه‌مى بابه‌تان به‌حس ل مووچه‌یى كریه و دیاركریه، وى نامه‌یه‌كا تایبه‌ت بۆ دادگه‌ها فیدرال هنارتییه و تێدا داخوازكریه ئه‌و بابه‌ت بهێته چاره‌كرن و هه‌ر زوى كۆمبیت و بڕیارێ بده‌ت.