مقدم عیماد حسێن پەیڤدارێ پولیسێن ئاکرێ راگەهاند پشتى دوهی رۆژا چارشەمبی زانیاری گەهشتنە نڤیسینگەھا نەهێلانا گونەهباریا سیپە و سێ سکالا هاتنە تومارکرن لسەر دزینا هژمارەکا مەرومالاتی ل ئاکرێ ، ئێکسەر نڤیسینگەها سیپە دەست ب ڤەکولینان کر و شیاین د ماوێ کێمتر ژ ٢٤ دەمژمێران تومەتبارەکی دەستەسەر بکەن بناڤێ « ھ . ا . ط » تەمەن ٤٢ سال.
پشتی ڤەکولین دگەل هاتینەکرن دیاربوو کو رابوویە ب دزینا هژمارەکا مەرومالاتی ل ناف سەنتەرێ ئاکرێ.
هەڤدەم لهەمبەر دادوەرێ ڤەکولینا ئاکرێ دان ب تاوانا خۆ کریە و لدیف بەندێ «٤٤٣ و ٤٤٦ ی.س» تومەتبار هاتیە دەستەسەرکرن.
بۆ زانین تومەتبارێ ناڤبری خودان رابردوویە و دوو جاران سەرا تاوانا دزیێ هاتیە حوکمکرن و ڤەکولین دگەل بەردەوامە.