سەرۆک وەزیرێن ئسرائیلێ راگەهاند: ئیرانێ شەڕێ سەرتاسەری دڤێت و بزاڤان دکەت مە هەمییان ببتە سەر لێڤا شەڕێ ئەتۆمی.
بنیامێن نەتنیاهۆ، سەرۆکوەزیرێن ئسرائیلێ بۆ کەنالێ ABC نیۆز یێ ئەمریکی دەربارەیی شەرێ وان ل گەل ئیرانێ: "ئەم یێ تشتەکێ دکەین کو د خزمەتا مرۆڤاتییێ دایە شەڕێ چاکییێ یە ل دژی خرابییێ".
نەتنیاهۆ دبێژیت: ئیرانێ شەڕێ سەرتاسەری دڤێت و بزاڤان دکەت مە هەمییان ببتە سەر لێڤا شەڕێ ئەتۆمی.
سەرۆکوەزیرێن ئسرائیلێ ئاماژە کر: دبەرژەوەندییا ئەمریکا دا یە ل شەڕی دژی ئیرانێ پشتەڤانییا مە بکەت ژ بەر کو ئارمانا تەلئەڤیڤێ ژناڤبرنا بەرنامەیێ ئەتۆمییێ ئیرانێ یە.
ب گۆتنا نەتنیاهۆی: ئەو ب تنێ شەڕی دۆژمنێ خۆ ناکەن بەلکۆ شەڕێ دۆژمنێ هەمییان دکەن ئیران گەفە ل سەر جیرانێن مە یێن عەرەب، ئەورۆپا، ئەمریکا و هەمی جیهانێ.
هەڤدەم د گۆتنێن خۆ دا دبێژیت: ئیران درۆشمێن مرن بۆ ئسرائیلی مرن بۆ ئەمریکا بلنددکەن و دبێژن ئەڤرۆ یێن هاتینە سەر رێکا مە سوبەهی دێ چنە سەر رێکا ئەمریکا ژی