پارێزگارێ دهۆكێ راگەهاند، مەزنترین کۆگەھا وەرگرتنا بەرهەمێ خومالی ل قەزا سێمێلێ دێ هێتە ڤەکرن کۆ پتر ژ 200 هزار دارێن زەیتوونان بۆ چێکرنا زەیتا زەیتوونان دێ هێتە چاندن.
د. عەلی تەتەر، پارێزگارێ دهۆكێ گوتژی، ئەڤ پرۆژە ب کۆژمێ 60 ملیار دیناران ل سەر رووبەرەکێ مەزن یێ عەردی دێ هێتە چێکرن، پرۆژە دێ خزمەتا هەمی جۆتیارێن کوردستانێ کەت و بیتە مەزنترین پرۆژە ل سەر ئاستێ هەمی عێراقێ و دێ هەمی جورێن کەسکاتی بەرهەم ئینیت ل قۆناغا ئێکێ پتر ژ 200 هزار دارێن زەیتوونان دێ هێنە چاندن بۆ بەرهەم هاتنا باشترین زەیت ل کوردستانێ.
ئاشکرا ژی کر، کۆ هەمی بەرهەمێن چاندنێ ژ جۆتیاران دێ هێنە وەرگرتن، پرۆژەکێ گەلەک مەزنە و پشت بەستنێ لسەر بەرهەمێ خومالی دکەت و بەرهەمی دێ ژ جۆتیاران وەرگریت، ئەڤە پشتەڤانیەکا مەزنە بۆ جوتیاران.