مەسرور بارزانی، سەرۆکێ حکومەتا هەرێما کوردستانێ پێشوازی ل شەیخە بەشیر فەرحان، ڕێكخه‌را کونسۆلخانەیا گشتییا ئیماراتێ ل هەرێما کوردستانێ کر، پشته‌ڤانییا حکومەتا هەرێما کوردستانێ بۆ سەرئێخستنا كارى دیاركر.
سەرۆکێ حکومەتا هەرێما کوردستانێ ئاماژە ب پەیوەندییێن تایبەت و دۆستانە یێن دناڤبه‌را هه‌رێما كوردستانێ و ده‌وله‌تا ئیماراتێ كر، سوپاسییا ها‌ریكارى و پشته‌ڤانییا سه‌ركردایه‌تییا ئیماراتێ كر.
ڕێكخه‌را کونسۆلخانەیا گشتییا ئیماراتێ، سلاڤێن سه‌رۆكێ ئیماراتێ شێخ محەمەد بن زاید ئال نەهیان و جێگرێ سه‌رۆكوه‌زیران شێخ محەمەد بن ڕاشد ئال مەکتووم گه‌هاندنه مه‌سرور بارزانى و دووپاتى ل بهێزكرنا زێده‌تر یا په‌یوه‌ندییێن دوولایه‌نى كر.