ئەڤڕۆ ئێکشەمبی 11/5/2025، مەسرور بارزانی، سەرۆکێ حکوومەتا هەرێما کوردستان، ل باژێرێ دهۆکێ ل تاخێ بەرۆشکێ، سەرەدانا پڕۆژێ ڕووناهیێ کەهرەبا 24 دەمژمێری کر.
زانیاری دەربارێ پڕۆژێ ڕووناهی:
ڕووناهی پڕۆژەکێ نیشتمانیێ حکوومەتا هەرێمێیە کۆ بڕیارە هەتا دوماهیکا ساڵا 2026 کەهرەبا 24 دەمژمێری بگەهیتە هەمی وڵاتیان.
ناڤەندێن باژێرێن دهۆک، هەولێر، و سلێمانی هەتا دوماهیکا ساڵا 2025 ب تمامی کەهرەبا 24 دەمژمێری هەبیت هەتا ئەڤڕۆ 600 هزار وڵاتی بوونە خودانێ کەهرەبا 24 دەمژمێری، دڤێ هەیڤێدا پتر ژ 500 هزار وڵاتیێن دی ل هەولێر و دهۆک و سلێمانیێ دێ مفاداربن ژ کەهرەبا بەردەوام و بڤێ ئێکێ ژی هژمارا هەمی وڵاتیان دێ گەهیتە پتر ژ ئێک ملیۆن مفاداران.
پتر ژ 700 مالیدەیێن ئەهلی هاتنە ڤەمراندن، کۆ هندی لادانا 125 هزار ترۆمبێلان دناڤ جادەیان دکەت. هەتا دوماهیکا ساڵا 2027 پتر ژ 7 هزار مالیدەیێن تایبەت دێ هێنە ڤەمراندن، حکوومەتا هەرێما كوردستانێ بەرپرسیارەتیا تمام ژ دابینکرنا کەهرەبا 24 دەمژمێری ل ستۆیێ خوە گرتیە، دڤێ هەفتەیێدا جڤاتا وەزیران دێ دەنگی لسەر بهایێ نوی یێ کەهرەبێ دەت.
بنەمایێن دەستنیشانکرنا بهای دێ وەکی خۆ بمینن کۆ بڤی شێوەیە:
ماڵ، بازرگان دێ کێمتر پارەی دەن، ب تایبەتی یێن کۆ کێمتر بکارتینن.
مفا: ل پڕۆژێ ڕوناهی وڵاتی دێ کێمتر پارەی دەنە کەهرەبێ د دەمەکێدا 24 دەمژمێران کەهرب هەیە، وڵاتی بەرپرسە ژ بکارئینانا کەهرەبا خۆ؛ چەند کێمتر بکاربینیت دێ کێمتر پارەی دەت.
پاکژکرنا ژینگەها کوردستانێ برێکا ڤەمراندنا مالیدەیێن ئەهلی. حکوومەت بڕیارە پتر پشتەڤانیا وان ماڵ و یەکەیێن بازرگانیێن بچیک بکەت، ب تایبەتی بۆ وان یێن کۆ کەهرەبەکا کێمتر بکارتینن.
داتا پسوولەیان:
پرانیا ماڵێن تاخێ بەرۆشکێ پارەیێ کێمتر ژ 35 هزار دینار بۆ هاتنە.