ئەڤرۆ ئێكشەمبی 4 ی گولانا 2025 ێ" ل سەلاحەدین سەرۆك مەسعود بارزانی پێشوازی ل شاندەكێ عەشیرەتا ئەلبغزات یا سەر ب هۆزا ئەلجبور ب سەرۆكاتییا شێخ عیسا موحسن ئەلسەبیل كر.
شاندێ مێهڤان پێزانین بۆ ڕۆلێ سەرۆك بارزانی د كووركرنا ڕۆحا لێبورینێ و برایەتییا دناڤبەرا پێكهاتێن ئیراقێ هەبوو و هەروەسا سوپاسییا گەلێ كوردستانێ كر" كو ل رۆژێن تەنگاڤدا هەمبێز بۆ ڤەحەواندنا ب سەدان هزار ئاوارێن پارێزگەهێن ناڤەڕاست و باشورێ ئیراقێ كرییە.
هەروەسا تەكەزی ل سەر هەماهەنگی و پەیوەندییا دناڤبەرا پێكهاتان و بهێزكرنا بهایێن پێكڤەژیانێ و حەزژێكرنا دناڤبەرا پێكهاتێن ئایینی و نەتەوەیی یێن عێراقێ و نەهێلانا توندرەوییێ و نەهێلانا كلتوورێ رك و تۆلڤەكرنێ كرییە.
د وێ دیدارێدا خانم مونا ئەلسەبیل ئەنداما پەرلەمانێ عێراقێ و هژمارەكا كەساتییێن عەشیرەتا ئەلبغزات ئامادە ببوون.