فراكسیۆنێن كوردستانى دێ یاداشته‌كه‌كا نه‌رازیبوونێ ده‌نه سه‌رۆكوه‌زیرێن ئیراقێ سه‌رۆكا فراكسیۆنا پارتى ل په‌ڕله‌مانێ ئیراقێ ژى دبێژیت: دادگه‌ها فیدرالى ل گه‌ل مه‌یه.
دوهى ته‌یف سامى، وه‌زیرا دارایى و ئابۆرى یا ئیراقێ بڕیار دا مووچه‌یێ هه‌شت مه‌هێن بهێن یێن فه‌رمانبه‌رێن هه‌رێما كوردستانێ نه‌هنێریت، به‌هانه ژى ئیناینه كو هه‌رێمێ داهاتێ خۆ وه‌رگرتییه و حكومه‌تا هه‌رێمێ ژى ره‌ت دكه‌ت.
ڤیان سه‌بری، سه‌رۆكا فراكسیۆنا پارتى ل په‌ڕله‌مانێ ئیراقێ گۆت: فراكسیۆنێن كوردستانى دێ یاداشته‌كه‌كا نه‌رازیبوونێ ده‌نه سه‌رۆكوه‌زیرێن ئیراقێ و دادگه‌ها فیدرالى ل گه‌ل مه‌یه.
سه‌رۆكا فراكسیۆنا پارتى ل په‌ڕله‌مانێ ئیراقێ گۆتژى: یاداشت نه‌رازیبوونه ل دژى بریارێن ته‌یف سامى، وه‌زیرا دارایى یا ئیراقێ و نڤیسارێن وه‌زیرا دارایى یا ئیراقێ ب هه‌مى شێوه‌یان ره‌تدكه‌ین.
هه‌روه‌سا ئاشكراكر، دادگه‌ها فیدرالى بڕیار دایه كێشه‌یێن مووچه‌یى دویر بن ژ كێشه‌یێن سیاسى و حكومه‌تا ئیراقێ پابه‌ندى بجهئینانا یاسایا بودجه‌یى ژبۆ هنارتنا په‌ترۆلێ نه‌بوویه