سپێده‌هیا ئه‌ڤرۆ زێره‌ڤانێن سنورى ل ناوچه‌یا شارباژێر ل پارێزگه‌ها سلێمانیێ ته‌قه ل بابه‌كى و كورێ وى كرن، كوڕى گیانێ خۆ ژ ده‌ستدایه، باب برینداره و ته‌قه‌كه‌ر ژى هاتیه ده‌سته‌سه‌ركرن.
رویدان ئه‌ڤرۆ پشتى ده‌مژمێر 5ى سپێدێ چێبوویه، باب و كوره‌ك ب ناڤێن ئاوات و ئیسماعیل و ئارێز ئاوات ئیسماعیل ژ لایێ زێره‌ڤانێن سنورى ڤه ته‌قه لێهاتیه كرن.
كه‌سوكارێن قوربانیان دا زانین، وى باب و كوڕى، باره‌كێ فه‌رمى هه‌بوو، هاتبوو گومرك كرن ژى، دڤیان ببه‌نه ئیرانێ، ل گوندێ سوره‌یان ل سنورێ شارباژێڕ ژلایێ زێره‌ڤانێن سنورى ڤه ته‌قه لێهاتیه كرن.
دانه زانین ژى، كه‌سێ ته‌قه‌كرى، ژلایێ هێزێن ئاسایشا سلێمانیێ هاته ده‌سته‌سه‌ركرنو راده‌ستى پۆلیسێن سلێمانیێ هاتیه كرن.
گه‌نجێ ژیانا خۆ ژ ده‌ستداى ژیێ وى 17 سالن، بابێ وى ژى ژ دایكبوویێ 1982ێ یه و بۆ نه‌خۆشخانه‌یا سلێمانیێ هاتیه ڤه‌گوهاستن.