رێڤەبەرێ چاندنا قەزا بەردەڕەش راگەهاند، ژبەر نەهاتنا بارانێ و هشکەسالیێ رێژەیەکا مەزن یا بەرهەمێن گەنمێ ڤی سنووری ناهێتە دورین.
ئەندازیار تەحسین سلێمان، رێڤەبەرێ چاندنا قەزا بەردەڕەش راگەهاند، ل سنوورێ قەزا بەردڕەش دوو جۆرە گەنم د ئەڤسالەدا هاتینە چاندن ئێک ژ وان پشت ب بارانێ بەستیە و یێ دی ژی پشت ب ئاڤا دەست کر، بێگومان ئەو جورێ پشت ب بارانێ بەستی ناهێتە دورین ژبەرکۆ باران د ئەڤسالەدا نەهاتینە وەکو پێتڤی بەلێ جورێ دی دێ هێتە دورین و بەرهەمێن وان باشن.
گۆتژی، ل سنوورێ قەزا مە بۆ ئەڤسالە نزیکێ 200 هزار دۆنەمێن عەردی بۆ گەنمی هاتینە چاندن 80 هزار دۆنەم دێمن 90% بەرهەمێن وان ناهێنە دورین ژبەرکۆ باران وەکۆ پێتڤی نەباریە، یێن دی ژی ئاڤینە و ب رێکا ئاڤدانێیە ئەو بەرهەمێن وان هەمی دێ هێتە دورین و باشن.