فدراسیۆنا ناڤدەولەتی یا تەپاپێ بۆ ئامار و دیرۆکێ لیستا 10 باشترین یاریکەرێن دیرۆکێ بەلاڤکر. مێسی ب باشترین یاریکەر هاتییە دەستنیشانکرن.
فدراسیۆنا ناڤدەولەتی یا تەپاپێ بۆ ئامار و دیرۆکێ، ئەڤرۆ، ئێکشەمبییێ، 2025-5-18، لیستا 10 باشترین یاریکەرێن دیرۆکێ بەلاڤکر. لیۆنێل مێسی یێ ئەرجەنتینی ب باشترین یاریکەرێ دیرۆکێ هاتییە دەستنیشانکرن. پێلێ ئەفسانەیێ وەغەرکری یێ بەرازیلی ل رێزا دویێ و دیێگۆ مەرەدۆنا ئەفسانەیێ وەغەرکری یێ ئەرجەنتینی ل رێزا سێیێ ب باشترین یاریکەرێ دیرۆکێ هاتینە دەستنیشاکرن.
دیارکر ژی؛ کریستیانۆ رۆنالدۆ هێرشبەرێ پۆرتوگاڵی ل رێزا چاری دهێت، یۆهان کرۆیف ئەفسانەیێ وەغەرکری یێ هۆلەندی ل رێزا پێنجێ، رۆنالدۆ نازاریۆ دالیما ل رێزا شەشێ ب باشترین یاریکەر هاتینە دەستنیشانکرن.
ئاماژە ب هندێ ژی دایە؛ زینەدین زێدان ل رێزا حەفتێ، فرانز پیکنباوەر ئەفسانەیێ وەغەرکری یێ ئەلمانی ل رێزا هەشتێ، ئالفرێدۆ دی ستیفانۆ ل رێزا نەهێ، رۆناڵدینهۆ ل رێزا دەهێ هاتینە دەستنیشانکرن.
فدراسیۆنا ناڤدەولەتی یا تەپاپێ بۆ ئامار و دیرۆکێ IFFHS ل سالا 1984 ل باژێرێ لایپزیگ ل ئەلمانیا هاتییە دامەزراندن، نوکە بارەگەهێ وێ یێ سەرەکی ل باژێرێ زیورخ ل سویسرایە، هەر ژ سالا 1991ـێ سالانە باشترین یاریکەران ل سەر ئاستێ تەپاپێ دەستنیشان دکەت.