لژنەیا دسپلینێ یا فدراسیۆنا ئیراقێ راهێنه‌رێ یانه‌یا دهۆكێ ب توندترین شێوه سزادا و ئێدى نابیت بۆ ده‌ما شه‌ش مه‌هێن دى چ جۆره چالاكییه‌كا وه‌رزشى بكه‌ت.
د یارییا ناڤبه‌را دهۆك و ته‌له‌به دا كو ل یاریگه‌ها دهۆكێ بوو، ژبه‌ر خرابییا ب رێڤه‌برنا یاریێ ژ ئالیێ دادڤانى ڤه كارڤه‌دان په‌یدابوون و مه‌سعوود میرال ب كارتا سۆر هاته ده‌رخستن و لێ راهێنه‌رێ دهۆكێ كارڤه‌دان ل هه‌مبه‌ر وى سزایى هه‌بوون و دو جاران تف كره ئه‌ردى وه‌ك نه‌رازیبوونه و تۆڕه‌بوونه‌ك و دیسا ژى ل ده‌ما چوونا ژوور پێهنه‌ك ل سیسته‌مێ ڤارێ دا.
ئه‌ڤرۆ دوشه‌مبێ 19-5-2025ێ فدراسیۆنا ئیراقێ راهێنه‌رێ یانه‌یا دهۆكێ مه‌سعوود میرال سزا دا و ئێد نابیت راهێنانان ب یاریكه‌ران بكه‌ت و ب چ ره‌نگان ژى نابیت ب چیته د ناڤا یاریگه‌هان دا و قه‌ده‌غه‌یه هه‌مى چالاكیێن وه‌رزشى یێن گرێدایى ته‌پاپێ بكه‌ت.
ل گۆڕه‌یى فیدراسیۆنا ئیراقێ وه‌ك مادده ژى ب 25 ملیۆن دینارێن ئیراقى راهێنه‌رێ یانه‌یا دهۆكێ میرال سزا دایه.
هه‌روه‌سا سه‌گڤان محه‌مه‌د ئه‌مین رێكخه‌رێ ئێمناهیێ ژى سزادایه كو نابیت تا دوماهییا ڤى وه‌رزى ب چ كاران بهێته راسپاردن و هه‌روه‌سا ب 3 ملیۆن دیناران ژى سزا دا.