ئه‌ڤڕۆ دوشەمبی 5/12، مەسرور بارزانى، سه‌رۆكێ حكومەتا هه‌رێما كوردستانێ، پێشوازی ل باڵيۆز ماهر ئه‌لكه‌ره‌كى، كونسولێ گشتيىێ نوو یێ فه‌لەستينێ ل هه‌رێما كوردستانێ کر.
سەرۆکێ حکومەتێ زێدەباری پيرۆزباهییا ده‌ستبكاربوونێ، پشتەڤانییا حکومەتا هەرێما کوردستانێ بۆ سه‌رخستنا ئه‌ركێ وی نيشان دا.
کونسولێ گشتییێ فەڵەستینێ، سلاڤ و ڕێزێن مەحموود عەباسی (ئەبو مازن)ی سەرۆکێ فەلەستینێ گەهاندنە سەرۆکێ حکومەتێ و ئاماژه ب پەیوەندییێن دیرۆكی یێن دناڤبەرا فەڵەستینێ و کوردستانێ کر و تەكەزی ل سەر گرنگییا ب هێزکرنا پەیوەندییێن دولایەنی کرن.
دووماهی پێشهاتێن رەوشا غه‌ززه هاتنە بەحسكرن و هەردو ئالی هەڤرابوون ل سەر پێدڤییا ب دووماهیئینان ب شەری و ئازار و مەینەتییێن خەڵکێ سیڤلێ غەززە و پاراستنا مافێن ڕەوا یێن گه‌لێ فه‌له‌ستينێ و ئاسایش و سەقامگیرییێ ل ڕۆژهەلاتا ناڤین.