وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، لیستا مووچه‌یێن مه‌ها پێنج یا ئه‌ڤ ساله بۆ به‌غدایێ هاتییه ره‌وانه‌كرن.
وه‌زاره‌تا دارایى یا حكومه‌تا هه‌رێما كوردستانێ پێنجشه‌مبا بۆرى 22-5-2025ێ پشكا گه‌نجینه‌یا فیدرالى ژ داهاتێ نه‌نه‌فتى یێ هه‌رێما كوردستانێ یێ نیسانا سالا 2025ێ كو كوژمێ 50،522،750،000 دینارن، بۆ سه‌ر ژماره‌یا به‌نكى یا وه‌زاره‌تا دارایى یا حكومه‌تا فیدرالى لقێ هه‌ولیرێ یێ بانكا ناڤه‌ندى یا ئیراقێ ره‌وانه‌كرن.
ئه‌ڤرۆ ئێكشه‌مبێ 25-5-2025ێ وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، لیستا مووچه‌یێ مه‌ها 5 یێ فه‌رمانبه‌رێن هه‌رێما كوردستانێ ژ ئالییێ تیمه‌كێ ته‌كنیكى یێ وه‌زاره‌تا دارایى و ئابۆرى یا هه‌رێما كوردستانێ ڤه راده‌ستى فه‌رمانگه‌ها مژێریارى یا وه‌زاره‌تا دارایى یا حكومه‌تا فیدرال هاتییه‌كرن.
مه‌ها بۆرى حكومه‌تا هه‌رێما كوردستانێ ب چه‌ندین رۆژان به‌رى سه‌رێ مه‌هێ لیستا مووچه‌یان ره‌ونه‌كربوو، لێ وه‌زاره‌تا دارایى یا ئیراقێ 20 رۆژان مووچه گیرۆ كر.