ئەحمەد جەمیل ڕێڤه‌به‌رێ چاندنێ ل پارێزگه‌ها دهۆكێ ڕاگه‌هاند، د ئه‌ڤساله‌دا ل سنوورێ پارێزگه‌ها دهۆكێ نێزیكى نه‌هـ هزار و 192 دۆنه‌مێن ئه‌ردى خیار هاتینه چاندن، نێزیكى پێنج هزار خانییێن پلاستیكى بۆ چاندنا خیاران هاتبوونه دابینكرن، پێشبینى دكه‌ن نێزیكى 105 هزار ته‌نێن خیاران بهێنه به‌رهه‌م ئینان.
ڕێڤه‌به‌رێ چاندنا دهۆكێ دیاركر، ل 15ـێ نيسانێ به‌رهه‌مێ خیاران ل خانییێن پلاستیكى كه‌فتینه بازاڕى، لێ خیارێن زه‌ڤییان هێشتا نه‌گه‌هشتینه دناڤ بازاڕی دا.
رێڤەبەرێ چاندنا دهۆکێ دیاركریە ژی، ژبەر گرنگیدانا حكومه‌تا ھه‌رێما كوردستانێ به چاندنێ، وەلاتیان بەرێ خوە دایە به‌رھه‌مێ چاندنێ، ژبەركو ئه‌گه‌ر بازاڕ بۆ به‌رھه‌مان نه‌بیت بهای ناكەت.
پێشتر بهایێ كیلۆیەكا خیاران ب 100 دیناران بوو، بەلێ نوكە بهایەكێ زۆر باشتر ده‌كەت و د بازاڕاندا ساغ دبیتەڤە.