كۆمپانییێن مهزنێن پهترۆلێ ل سهر چارهسهركرنا ئاریشهیێن دهریا یا سوور، كو بربرهیا پێشتێ یا ئابوورێ ئورۆپایه، بێ هێڤى بووینه، لهوما دخوازن هنارتنا پهترۆلا ههرێما كوردستانێ و كهركووكێ ب ڕێیا بهندهرێ جهیهان یێ توركیا دهستپێبكهت داكو ببیته جهگرێ ڕێرهوێ دهریا یا سوور.
شاندهكێ بلندێ كۆمپانییا سۆمۆ و وهزارهتا پهترۆلا عیراقێ ل بریتانیایه بۆ پشكداریكرنێ د كۆربهندێ (I Week Energy) دا، كو زێدهتر ژ 50 كۆمبوونان دگهل كۆمپانییێن ( ئێكسۆن مۆبیل یا ئهمریكى، تۆتال ئینێرجى یا فرهنسى، شێل و ئارامكۆ یێن سعوودى ) كرینه، وان كۆمپانییان ههموویان داخواز ژ شاندێ عیراقێ كر، پرۆسهیا هنارتنا پهترۆلا ههرێما كوردستانێ و كهركووكێ ب ڕێیا بهندهرێ جهیهان دهستپێبكهت.