نێچیرڤان بارزانى، سهرۆكێ ههرێما كوردستانێ د فهرمانهكا ههرێمى دا بڕیار دا رۆژا 10-6 ههلبژارتنێن پهڕلهمانێ كوردستانێ بهێنهكرن.
سهرۆكایهتییا ههرێما كوردستانێ بهلاڤكر، نێچیرڤان بارزانى، سهرۆكێ ههرێما كوردستانێ د فهرمانهكا ههرێمى دا رۆژا 10-6 بۆ رۆژا ههلبژارتنێن پهڕلهمانێ كوردستانێ دیاركر.
د فهرمانێ دا پالپشتیا برگهیا دووێ ژ ماددهیێ دههێ ژ قانوونا سهرۆكایهتییا ههرێما كوردستانێ ژماره ئێك یا سالا 2005 یا راستڤهكرى، سهرۆك نێچیرڤان بارزانى بڕیاردایه ب دیاركرنا رۆژا 10-6-2024ێ وهك رۆژا ههلبژارتنێن گشتى یێن خۆلا شهشێ یێن پهڕلهمانێ كوردستانێ.
ل گۆڕهیى فهرمانێ ههموو ئالیێن پهیوهندیدار پابهندن ب بجهئینانا كارێ پێدڤى بۆ هاریكارى و ههماههنگییا ل گهل كۆمسیۆنا بلند یا سهربهخۆ یا ههلبژارتنان و بجهئینانا فهرمانێ و ههر ئهڤرۆ ژ رووژا دهرچوونێ دێ هێته بجهئینان.