ئاکرێ نیوز:
ئەرێ ڕاستە ڕەنگێ زەر یێ میزێ نیشانێ نەخۆشیەکێ یە ؟! ئایە پێدڤی دکەت لێ بتڕسین؟!
ئەڤ گەنگەشە گەلەک دهێتەکرن ودوێ باوەرێدانە کۆ دڤێت ڕەنگێ میزا مرۆڤێ ساخلەم یا زەلال بیت وەک ئاڤێ، ئەگەر یێ زەربیت ڕامانا نەساخیەکێ یە یانژی ئەو کەس باش نەهاتیە تێهندان وباش ئاڤێ ناڤەخۆت!
ڕەنگێ ئاسایێ میزێ بگشتی دگوهڕیت ژ مرۆڤەکی بۆ ئێکێ دی ژ زەرەکێ ڤەبی هەتا عەمبەرەکێ تووخ وڕەنگێ زێڕی، ئەڤ ڕەنگ زەریە ژبەر هەبوونا ماددێ یوروکڕۆمێ یە دمیزێدا.
چەند ئاڤێ مرۆڤ ڤەخۆت میز ڕەنگ ڤەبیتر دبیت وئەگەر ئاڤێ کێم ڤەخۆی تووختردبیت، ومیز ڕەنگێ خۆ دگۆهڕیت ژبەر گەلەک فاکتەران: ڕێژا ئاڤ ڤەخارنێ، جورێ خوارنێ ،بکارئینانا هندەک دەرمانان سەرەڕای نەساخیێن گۆلچیسکا ومیزڵدانێ وپرۆستاتێ ومێلاکێ.
میزا بێ ڕەنگ یان زەرێ ڤەبی: نۆڕمالە ونیشانا باش تێهندانێ یە.
زەرێ تاڕی یان ڕەنگێ هنگڤینی: نۆڕمالە ،لێ پێدڤیە پتر ئاڤێ ڤەخۆت.
ڕەنگێ قەهوایی یان وەک چایێ: نیشانا نەساخیەکا مێلاکێ یە وەک زەرکاتیێ، یانژی هشکبوونەکا زێدە.
پەمبەیی (پیڤازی) بۆ سوڕی: ژبەر هندەک خوارنا یە (شەوەندەر، تیشەمبی)، هندەک دەرمان، وەرزشێن توند، ژەهراویبوونا ب زیبەقێ یان ڕساسی، وچێدبیت ژبەر نەساخیێن سیستەمێ میزکرنێ بیت وەک هەودانێن جۆبارێن دەستاڤێ ونەساخیێن پڕۆستاتێ وپەنجەشێرا.
ڕەنگێ پرتەقالی: ژبەر هندەک خوارنێن ڕەنگاوڕەنگە یانژی ژبەر هشکبوونا زێدەیە ،وچێدبیت ژبەر نەساخیێن مێلاکێ وجوبارێن زراڤێ بیت.
بکورتی ڕەنگێ زەر یێ میزێ دپتریا ڕەوشاندا ئاسایی یە وژبەر کێم ئاڤ ڤەخارنێ یە ونەجهێ مەتڕسییێ یە.