ئاکرێ نیوز
ئەڤرو ب مەرەما خاتر خواستنێ ”د.پشتیوان سادق ئەندامێ مەکتەبا سیاسی یا پارتی دیموکراتی کوردستان و بەرپرسێ مەکتەبا رێکخستنا پارتی ل پارێزگەها دهوکێ و یاریدەدەرێ بەرپرسێ مەکتەبا رێکخستن و بەرپرسێن بەشێن رێکخستنێ سەرەدانا بارەگایێ لقێ٩ کرن و ژلایێ ”(د.مەردان خدر)بەرپرسێ لقا ٩ یا پارتی دیموکراتی کوردستان و کارگێر و بەرپرسێن ناوچە و ئەندام و کادران هاتنە پێشوازیکرن.
د رونشتنەکێ دا بەرپرسێ لقێ بناڤێ لقا ٩ رول و خزمەت و پشتەڤانیا جەنابێ وی ب گرنگ ل قەلەم دا کو د ماوەیێ ئەرکێ خودا خزمەتەکا هەژی و بەرچاڤ پێشکێشی ئەندام و لایەنگرێن پارتی ل سنورێ لقێ کر و هیڤیا سەرکەفتنێ د ئەرکێ وی یێ نوی دا خواست.
ژلایێ خوڤە ”د.پشتوان سادق سوپاسیا بەرپرسێ لقێ و هەمی کارگێر و ئەندام و کادر و لایەنگرێن پارتی ل دەڤەرا ئاکرێ و بەردەرەش کر کو د ماوەیێ پتر ژ سالەکێ دا پێکڤە لڤێ دەڤەرێ خزمەتا رێبازا پیروزا پارتی و بارزانییێ نەمر کریە.