ئاکرێ نیوز:
دکتور عەدنان صالح تایبەتمەندێ نشتەرگەریێن گشتی دیاردکەت کو دایک وباب گەلەک شەپرزەدبن دەمێ پلا گەرماتیا زارۆکی بلنددبیت ودوێ باوەرێدانە کۆ ئەڤە نیشانەکێ مەتڕسیدارە وپێدڤیە ب زویترین دەم ئەڤ تایە بهێتەخوارێ ،ئەگەر نە دێ مێشکێ وی ئەزیەتدەت وچەند پلا گەرماتیێ پتربیت چانسێ گرتنا تەپێن تایێ زێدەتردبیت.
گۆت لێ پیدڤییە بزانی کو ئێک ژ وان رێکێن لەشێ مرۆڤی دگرتەبەر بۆ بەرهنگاریا میکڕوبان بلندکرنا پلا گەرماتیا لەشی یە.
بۆ زانین ڤایرۆس وبەکتیریا وێ بلندبوونێ پەیداناکەن بەلکو پارچەکا مێشکی یە کو دبێژنێ (hypothalamus) ئەوا بەرپرس ژ رێکخستنا پلا گەرماتیا لەشی.
مێشک تووشی وێرانکاریێ دبیت بتنێ ئەگەر پلا گەرماتیێ ژ ٤٢ نمران بووری، ئەڤەژی گەلەکا کێمە چونکی هایپۆتەلەموس بخوە ناهێلیت پلا گەرماتیێ ژوی ڕاددەی پتر ببیت د پتریا حالەتاندا (ب مەرجەکی ڕەفتارێن شاش یێن چارەسەرکرنا تایێ بهێنە دویرئێخستن وەک نخافتنا زاروکی دناڤ گەلەک لحێف وبەتانیاندا ) وئەڤ پارچا مێشکی ئێکسەر دێ دەست ب تەزیکرنا لەشی کەت لەوا ئەو مرۆڤ دێ هەست ب لەرزینێ دکەت.
هەروەها دروستبوونا تەپێن تایێ ئانکۆ صرع (هەرچەندە یا گرێدایە ب تایێ ڤە) بەلێ نەیا گرێدایە بڕێژەیا بلندبوونا پلا گەرماتیا لەشی، چێدبیت زارۆکەک پەژیێ بگریت وپلا گەرماتیا وی پیچەک یا بلندبیت وئێکێ دی نەگریت هەرچەندە پلا گەرماتیا وی ژ ٤٠ ێ یا دەربازبووی، بەلکو ڤەکولینان دیارکریە کۆ پتریا حالەتێن پەژی وتەپێن تایێ لدەڤ وان زاروکێن کۆ پلا گەرماتیا وان ژ ٤٠ ێ کێمترە درۆستدبن.
لەوڕا دایک وباب دڤێت خو تێکنەدەن وپێدڤیە بزانن کو تایا زارۆکێ وان بتنێ نیشانەکە ،وگەلەک یا کێمە کو زیانێ بگەهینتە مێشکێ زاروکێ وان.