فرەنسا رەشنڤیسەک بۆ رێککەفتنا ئاگربەستێ د ناڤبەرا ئسرائیل و حەماسێ دا ئامادە کریە و ل گۆرەی وێ رەشنڤیسێ، پێدڤیە حەماس گرتیێن ئسرائیلێ ئازاد بکەت و ئسرائیل رێ بدەت هاریکاری بچنە د غەزە دا.
ئاژانسا رۆیتەرز راگەهاند: پاریسێ رەشنڤیسەک بۆ دەستپێکرنا ئاگربەستەکا 40 رۆژی د ناڤبەرا ئسرائیل و حەماسێ دا ئامادە کریە و د ناڤەرۆکا وێ دا هاتیە "ئسرائیل دێ رێ دەت رۆژانە 500 ترێلێن هاریکاریان بچنە د ناڤ غەزە دا و چادر، پێدڤیێن ساخلەمیێ، پێدڤیێن کارکرنا ناپێژیان و چەندین پێدڤیێن دی یێن ژیانا رۆژانە یا وەلاتیان، دێ د ناڤ وان ترێلان دا بن".
د رەشنڤیسێ دا هاتیە ژی: حەماس و ئسرائیل دێ گرتیان لێک گوهۆڕن، هەر ئێک وەلاتیێ ئسرائیلی بەرانبەر 10 فەلەستینیان، ب مەرجەکی کو حەماس هەموو گرتیێن دانعەمر و کەسێن ژیێن وان د بن 19 سالیێ دا ئازاد بکەت.
هەر ل گۆرەی وێ رەشنڤیسێ، وەلاتیێن غەزە دشێن ڤەبگەڕنە دەڤەرێن باکۆرێ غەزە، ژبلی وان گەنجێن د ژیێ خزمەتا سەربازی دا