ئهندازیارهكێ جیۆلۆجى ددهته دیاركرن كو ئهڤ ساله رێژهكا باش یا بارانێ باریه ل ههمبهر سالێن بورى و كارتێكرنهكا باش ل سهر عهمباركرنا ئاڤا ژێرزهڤى كریه و ل دهڤهرێن چیایی ههتا 10 مهتران و ل دهڤهرێن دهشتى ههتا 50 سم ئاستێ ئاڤا ژێر زهڤى بلندبوویه.
ئاکرێ نیوز:صەباح زوهێر
ئهندازیار مزگین سعید شارهزایێ جیۆلۆجى ل هوبا ئاڤا ژێر زهڤى ل ئاكرێ بۆ روژناما ئهڤرۆ ددهته دیاركرن كو ب شێوهكێ گشتى رێژاباران بارینێ ل ئاكرێ ههتا نوكه 580ملم بارانێ بارینه ئهڤه ژى رێژهكا باشه ئهگهر ئهم بهراورد بكهین ل ههمبهر پارسال كو 253ملم بوو،ئهڤ رێژا ئهڤ ساله كارتێكرنهكا باش یا ههى ل سهر بلندكرنا ئاستێ ئاڤا ژێر زهڤى تایبهتى ل دهڤهرێن چیایی،چونكى ل دهڤهرێن چیایی لڤینا ئاڤێ بلهزتره ل ناڤ واتهرچهنهلا و فراكچهرا دا،لهوا كارتێكرنا وێ باشتره ل دهڤهرێن چیایی،لێ ل دهڤهرێن دهشتى ئهو رێژه كێمتره و رێژا ئاڤا ژێر زهڤى ل دهڤهرێن دهشتێ(30ــ 60)سم زێدهبوویه،چونكى ئهڤ رێژا باران بارینێ ههمى ناچیته دناڤ پێكهاتێن جیۆلۆجى دا،ههرچهنده ئهڤه رێژهكا كێمه،لێ ب گشتى بۆ عهمباركرنا ئاڤا ژێر زهڤى رێژهكا باشه.
ئهندازیارى زێدهتر گۆت كو ل دویڤ ئهو داتایێن مه ههى (8ــ10)مهتران ئاستێ ئاڤا ژێر زهڤى ل دهڤهرێن چیایی بلندبیه وهكى دهڤهر نههلێ و ناحیا دینارتێ و كارتێكرنهكا باش كریه ل سهر ئاڤا كانیا و زێدهبوونا ئاڤا سهر زهڤى و گهلهك كانیێن هشك بووى ژبهر رێژا باش یا بارانێ و بلندببوونا ئاڤا ژێر زهڤى ئهو كانى پهقینه.
ئاماژه دا وێ چهندێ كو ئهو رێژا ئاڤێ ل عهمبارێ دا كێم بووى ل سالێن بورى ب مهرهمێن كارئینانێ ل وهرزهكێ باران بارینێ ناهێته قهرهبووكرنهڤه،چونكى ئهو ئاڤا ئهم ل ژێر زهڤى بكاردئینین بۆ كشتوكال و ڤهخوارنێ و مهرهمێن گشتى گهلهك زێدهتره ل وێ ئاڤا قهرهبوو دبیتهڤه ب رێكا باران بارینێ،لهوا ئهو بوشایا ئاڤێ ب چهندین سالان ناهێتهڤ قهرهبووكرن،چونكى رێژا بیرا یا زوره و داخوازى ل سهر لێدانا وان زێدهبوویه ژبوى كشتۆكال و مهرهمێن گشتى.
گۆت ژى ههرچهنده هێشتا دهمێ باران بارینێ مایه و ب شێوهكێ گشتى دێ كارتێكرنا خوه ههبیت ل سهر ئاڤا ژێر زهڤى ل دهڤهرێ،لێ كارتێكرنا خوه دێ پتر ل سهر دهڤهرێن چیایی ههبیت،ل دهڤهرێن دهشتێ ژى ل دهڤهرهكێ بۆ دهڤهرهكا دى جوداهیا خوه یا ههى ل هندهك جهان ئاستێ ئاڤێ بلندتره ل جههكێ دى.