فەرماندەیێ ناڤەندییا هێزێن ئەمریکا ڕاگەهاند، شەڤا بووری مە 85 بنگەهێن سوپایێ پاسدارێن ئیرانێ ل عیراق و سووریا بۆردوومانكرینە، چەندین کۆگەهێن درۆنان ل عیراق و سووریا وێرانكرن.
لۆید ئۆستن، وەزیرێ بەرەڤانییا ئەمریکا ل دۆر ئەوێ هێرشێ دیاركر، ئەوا ڕوودای ب تنێ دەستپێكەكە و سوپایێ پاسدارێن ئیرانێ ب بەرپرسیار دزانین د هێرشێن سەر بارەگایێن ئەمریكا ل ڕۆژهەلاتا ناڤەڕاست.
ژ لایەكێ دی ڤە، جۆن کێربی، پەیڤدارێ جڤاتا ئاسایشا کۆچكا سپی دیاركر، بەری ئەنجامدانا ئەوێ هێرشێ مە حکومەتا عیراقێ ئاگەهداركریە.
د هەماندەمدا یەحیا رەسوول، پەیڤدارێ فەرماندەیا گشتی یا هێزێن چەکداری ل عیراقێ ئەو هێرش ب دەستدرێژی بۆ سەر سەروەریا عیراقێ وەسفکر و هۆشداری دا كو کاریگەریا خراب ل سەر هەمی دەڤەرێ هەبیت.