پشتى نیڤرۆیا ئه‌ڤرۆ 21-2-2024ێ ڕوونشتنا دادگه‌ها بلندا فیدرالییا عیراقێ ل دۆر بابه‌تێ مووچه‌یێ فه‌رمانبه‌ر و مووچه‌خۆرێن هه‌رێما كوردستانێ و قانوونا تایبه‌ت ب هه‌لبژارتنێن په‌رله‌مانی كوردستانێ ده‌ستپێكر.
پشكه‌ك ژ بریارێن ئه‌ڤرۆ یێن دادگه‌ها فیدرالى ل دۆر مووچه‌ى:
1- پێدڤییه ل دووڤ مادده‌یێن 116 و 117 یێن ده‌ستوورێ عیراقێ، یه‌كسانى د به‌لاڤكرنا داهات و سه‌روه‌ت و سامانێ گشتیدا هه‌بیت و نابیت سته‌م ل چ كه‌سان بهێته‌كرن.
2-پێدڤییه هه‌ردوو حكومه‌تێن عیراقێ و هه‌رێما كوردستانێ كار بۆ هندێ بكه‌ن، مووچه‌یێ فه‌رمانبه‌ر و مووچه‌خۆرێن هه‌رێما كوردستانێ ل ده‌مێ خوه بهێته به‌لاڤكرن.
3-پێدڤییه هه‌ردوو حكومه‌تێن عیراقێ و هه‌رێما كوردستانێ پابه‌ندى قانوونا بودجه‌یا گشتییا فیدرالى بن بۆ پێدانا شایسته‌یێن دارایی و مووچه‌یێ فه‌رمانبه‌رێن هه‌رێما كوردستانێ.
4-محه‌مه‌د شیاع سوودانى سه‌رۆكوه‌زیرێن عیراقێ دڤێت ئه‌ركێ پێدانا مووچه‌یێ فه‌رمانبه‌رێن هه‌رێما كوردستانێ ب ستۆیێ خۆڤه‌بگرین، ئاریشه و ناكۆكییێن هه‌ردوو حكومه‌تێن ( عیراق و هه‌رێما كوردستانێ ) چاره‌سه‌ر بكه‌ت، داكو پشتراستى ژ پێدانا مووچه‌یێ مووچه‌خۆرێن هه‌رێما كوردستانێ بهێته دان.
5- پێدڤییه حكومه‌تا عیراقێ پابه‌ندبیت ب پێدانا مووچه‌یێ مووچه‌خۆر و فه‌رمانبه‌رێن هه‌رێما كوردستانێ، ئێدى نابیت قه‌ر ب هه‌رێما كوردستانێ بهێنه دان داكو مووچه بهێته به‌لاڤكرن.