ئاکرێ نیوز
نڤێسینگه‌ها سه‌رۆكوه‌زیرێن هه‌رێما كوردستانێ رادگه‌هینیت، مه‌سروور بارزانى پێداگیرى ل سه‌ر پاراستنا قه‌وارەیێ ده‌ستوورى یێ هه‌رێما كوردستانێ كریه.
نڤێسینگه‌ها سه‌رۆكوه‌زیرێن هه‌رێما كوردستانێ راگه‌هاندنه‌ك ل دۆر چاڤپێكه‌فتنه‌كا سه‌رۆكوه‌زیرێن هه‌رێمێ ل گه‌ل كه‌نالێ NBC به‌لاڤكر و راگه‌هاند، هنده‌ك مالپه‌ڕ و په‌یچێن ناڤخۆ یێن سۆشیال میدیایێ دڤیان هنده‌ك داخویانى و لێكدانێن نه‌گونجایى و دوور ژ راستیێن سیاسى و ئێمناهى ل ده‌ڤه‌رێ به‌لاڤ بكه‌ن.
نڤێسینگه‌ها سه‌رۆكوه‌زیر دیاركریه، مه‌سروور بارزانى پێداگیرى ل سه‌ر پاراستنا قه‌وارەیێ ده‌ستوورى یێ هه‌رێما كوردستانێ كریه، دێ به‌رده‌وام ژى بیت بۆ گرتنه‌به‌را هه‌مى رێكاران بۆ دوورخستنا مه‌ترسیان ل سه‌ر هه‌رێما كوردستانێ.
هه‌روه‌سا ئاشكراكریه، خۆ ڤه‌دزین و خۆ خشیمكرن هه‌مبه‌رى نه‌حه‌زان چ ژ مه‌ترسیێ و گه‌فان كێم ناكه‌ت، ژبه‌ر ڤێ یه‌كێ پێدڤیه هه‌موو ئالیه‌ك ل ئاست به‌رپرساتیێ بیت هه‌مبه‌رى ئاخ و خه‌لكێ كوردستانێ.