ئاکرێ نیوز
غاردانەکا بدرێژاهیا (21)کیلومەترا ل پشتا سکرێ دهوکێ هەتا دگەهیتە گورەپانا نەوروز لناف سەنتەرێ باژێرێ دهوکێ ئەڤرو رۆژا شەمبی ٣ی شۆباتا ٢٠٢٤ێ بۆ هژمارەکا گەنجان هاتە ئەنجامدام، ب چاڤدێریا (د.عەلی تەتەر )پارێزگارێ دهوکێ ب ئامادەبوونا (ئیسماعیل محمد)نوینەرێ پارێزگارێ دهوکێ، نوینەراتیا لیژنا ئولمپی ل پارێزگەها دهوکێ، دگەل ئێکەتیا گورەپان ومەیدانێ غاردانەک بۆ (70)گەنجان ژ کچ وکوران ل سەرانسەری هەرێما کوردستانێ ودەرڤەیی وەلات رێکخست.
ئەنجامێن سەرکەفتی یێن ڤێ غاردانێ بڤی رەنگی بوون.
ل سەر ئاستێ کچان ژ باژێرێ ئاکرێ پشکدارا مەراسونێ (رەنا سلێمان) رێزا ئێکێ بدەستخۆڤەئینا.
-یاریکەر (رێڤینگ مەحمود)ژ هەولێرێ سەرکەفتیێ ئێکێ ب دەمژمێرەک وهەژدە خولەکا گەهشت.
-یاریکەر( عەبدوللا شنگالی) سەرکەفتیێ دووێ ب دەمژمێرەک و بیست خولەکا گەهشت.
-یاریکەر ( ئەیمەن نوعمان)ژ دهوکێ سەرکەفتیێ سێ بدەمژمێرەک وبیست وئێک خولەکا گەهشتە گورەپانێ.