چیایى ته‌یمور ئه‌ندامێ جڤاتا نوونه‌رێن عیراقێ ڕاگه‌هاند، ئه‌و ل هیڤییا هندێنه پرۆژه‌قانوونا بودجه‌یا سالا 2024ێ ژ جڤاتا وه‌زیران بگه‌هیته جڤاتا نوونه‌ران، دگه‌شبینن بهێته په‌سه‌ندكرن.
هه‌روه‌سا دیاركر، دبیت هنده‌ك لایه‌نێن ل بن فشارا ئیرانێ ئاسته‌نگان بۆ په‌سه‌ندكرنا بودجه‌ی په‌یدابكه‌ن، لێ ئه‌گه‌ر لایه‌نێن كوردى هه‌موو ئێكبن، دێ شێن به‌رامبه‌ر وان ئاسته‌نگان ڕاوه‌ستن، ئه‌گه‌ر بودجه نه‌هاته په‌سه‌ندكرن، ئه‌وان ژى كارتێن فشارێ هه‌نه و دێ بكارئینن.
سه‌باره‌ت مووچه‌یێ ئه‌ڤێ هه‌یڤێ ڕاگه‌هاند، بابه‌ت هاتییه ئێكلاكرن، هه‌یڤانه 618 ملیار دینار دێ ژ به‌غدا بۆ مووچه‌یێ فه‌رمانبه‌ران ڕه‌وانه هه‌رێمێ هێنه‌كرن، هه‌تا بودجه دهێته په‌سه‌ندكرن، چاڤه‌رێیه پشتى به‌لاڤكرنا مووچه‌یێ عیراقێ، 618 ملیار دینار بۆ هه‌رێمێ بهێنه هنارتن و ده‌ست ب به‌لاڤكرنا مووچه‌یێ مووچه‌خۆر و فه‌رمانبه‌رێن هه‌رێمێ ژى بهێته‌كرن.