سهرۆكێ دهستهیا وهبهرهێنانێ ڕاگههاند، د پهراوێزا گوپیتكا جیهانییا حكومهتاندا ل دوبهى، زێدهتر ژ 200 دهرفهتێن وهبهرهێنانێ دبوارێن جۆدا دا بۆ وهبهرهێنهرێن بیانى ل ههرێما كوردستانێ دێ هێنه ڕهخساندن.
د. محهمهد شوكرى سهرۆكێ دهستهیا وهبهرهێنانێ ل حكومهتا ههرێما كوردستانێ ل دۆر پشكدارییا شاندێ حكومهتا ههرێمێ د گوپیتكا جیهانییا حكومهتاندا ل دوبهى بۆ ئاژانسا فهرمییا نووچهیێن ئیماراتێ دیاركر، شاندێ حكومهتا ههرێما كوردستانێ ب سهرۆكایهتییا سهرۆكوهزیران مهسرور بارزانى بۆ چهند ئارمانجان پشكدارى د گوپیتكا حكومهتاندا كرییه، ژ وان ژى ڕهخساندنا دهرفهتا كاركرنێ ل ههرێما كوردستانێ بۆ وهبهرهێنهرێن بیانى.
ل دووڤ ئاخڤتنێن دهستهیا وهبهرهێنانێ، گوپیتكا جیهانییا حكومهتان ل دوبهى گهلهك یا گرنگه، وهلاتێ ئیماراتێ گهلهك وهبهرهێنان ل ههرێما كوردستانێ كرییه، چاڤێ وان ل هندێیه ل پاشهرۆژهكا نێزیك ڕێژهیا وهبهرهێنانا كۆمپانییێن ئیماراتێ ل ههرێما كوردستانێ زێدهتر ببیت.