سه‌فین دزه‌یى به‌رپرسێ فه‌رمانگه‌ها په‌یوه‌ندییێن ده‌رڤه یێ حكومه‌تا هه‌رێما كوردستانێ ڕاگه‌هاند، زیانێن ڕاگرتنا هنارتنا په‌ترۆلا هه‌رێما كوردستانێ نێزیكى 10 ملیار دۆلاران بوو.
سه‌فین دزه‌یى دپرێسكۆنفرانسه‌كیدا دیاركر، دانوستاندن دناڤبه‌را هه‌ولێر و به‌غدا دا ل سه‌ر كۆمه‌كا بابه‌تان د به‌رده‌وامن، پێشتر به‌حسى هندێ دهاته كرن كو توركیا ڕێ ناده‌ت په‌ترۆلا هه‌رێما كردستانێ بهێته هنارتن، لێ توركیا گه‌له‌ك ب ئاشكرایى گوتییه كو ئه‌و ڕێگر نینن و ئاریشه‌یێن ته‌كنیكی ژى هاتینه چاره‌سه‌ركرن، نوكه ته‌په كه‌ڤتییه دگۆره‌پانا به‌غدا دا، گرێیه‌ك دناڤبه‌را ئه‌نقه‌ره و به‌غدا دا هه‌یه و دڤێت ئه‌وبخۆ چاره‌سه‌ر بكه‌ن.
ئاشكرا ژى كر، ژ ئه‌گه‌رێ بریارا دادگه‌ها پاریسێ، ئاریشه‌یه‌ك دناڤبه‌را به‌غدا و ئه‌نقه‌ره‌دا په‌یدابوویه و دڤێت بهێته چاره‌سه‌ركرن، عیراق داخوازا ئێك ملیار و 500 ملیۆن دۆلاران وه‌كو قه‌ره‌بوو ژ توركیا دكه‌ت، نێزیكى 11 هه‌یڤانه هنارتنا په‌ترۆلا هه‌رێما كوردستانێ هاتییه ڕاگرتن، ژ ئه‌گه‌رێ ڤی ڕاگرتنێ ب نێزیكى 10 ملیار دۆلاران زیان ب عیراقێ كه‌ڤتییه.