لافاوێن چەند ڕۆژێن بووری یێن وەلاتێ لیبیا زیانێن مەزن ب زێدەتری ئێك ملیۆن وەلاتییێن وی وەلاتی گەهاندییە و ئەمریكا و عیراق دێ هاریكارییان بۆ وی وەلاتی هنێرن.
نڤیسینگەها ڕاگەهاندنا سەرۆكوەزیرێن عیراقێ ڕاگەهاند، ب ڕییا هێلێن ئەسمانی، دوو فڕۆكەیێن تژی هاریكارییێن مرۆڤی و كەرەستەیێن پێدڤی بۆ لیبیا دێ هێنە هنارتن.
وەزارەتا بەرگرییا ئەمریكا ژی ڕاگەهاندیە، ژبلی تیمێن هەوارهاتنێ كو ڕەوانەی وی وەلاتی هاتینەكرن، وان ئێك ملیۆن دۆلار ژی وەك هاریكارییێن مرۆڤی بۆ لیبیا تەرخانكرینە.
ئەحمەد مەساری، پەیڤدارێ سوپایێ لیبیا د پرێسكۆنفڕانسەكیدا ل باژێڕێ بنغازی ڕاگەهاند، لافاوێن وی وەلاتی بووینە ئەگەرێ گیان ژدەستدانا زێدەتری 11 هزار كەسان ل باژێڕێ دەرنە كو زێدەتری 800 ژوان سەربازبوون، زیان ژی گەهاندینە زێدەتر ژ ئێك ملیۆن و 200 هزار وەلاتییێن لیبیا.