وه‌زیرێ وزه‌یا تركیا راگه‌هاند، چێكرنا بۆریا ڤه‌گوهاستنا پترۆلا هه‌رێما كوردستانێ ب دویماهى هاتیه و نێزیك دێ هنارتنا پترۆلا هه‌رێمێ ده‌ستپێكه‌ت.
ئه‌ڤرۆ وه‌زیرێ ووزه‌یا تركیا ئالپئارسه‌لان بایراكتار، د كۆنگره‌یه‌كێ رۆژنامه‌ڤانى دا راگه‌هاند، بۆریا ڤه‌گوهاستنا پترۆلا هه‌رێما كوردستانێ هاتیه چێكرن، ل ڤان نێزیكان ژ روویێ ته‌كنیكى ڤه دێ ئاماده بیت بۆ كاركرنێ و بۆ هنارتنا پترۆلێ دێ هێته ڤه‌كرن.
بایراكتار گۆت ژى، خه‌ملاندنا زیانێن راگرتنا هنارتنا پترۆلا هه‌رێمێ و دانا قه‌ره‌بوویا دادگه‌ها پاریس دیاركرى، بۆ تركیا گرنگه و گه‌ر پێدڤى بیت، دێ ل همبه‌ر دادگه‌هێ ژى پارێزگاریێ ژ خۆ كه‌ن.
دیاركر ژى، سازان لسه‌ر چه‌وانیا دابه‌شكرنا داهاتێ پترۆلا هه‌رێمێ ئه‌ركێ حكومه‌تا فیدرالیا ئیراقێ و حكومه‌تا هه‌رێمێ یه.
ل 25 ئادارا ئه‌ڤساله دادگه‌ها پاریسێ هنارتنا پترۆلا هه‌رێما كوردستانێ ب نه‌ده‌ستوورى دا زانین، ژبه‌ر ڤێ ئێكێ هنارتنا پترۆلا هه‌رێمێ ب رێكا تركیا بۆ به‌نده‌رێ جیهان هاته راگرتن و هێشتا ده‌ستپێنه‌كرى یه.