ئاکرێ نیوز
ئەڤرو لێژنا چاڤدێریێ یا بازاری ل دەڤەرداریا ئاکرێ دیڤچوونا تابلویێن ناڤا بازاری و جهێن گەشتیاری دا ژ پێخەمەت جێبەجێکرنا یاسا ژمارە 6 یا سالا 2014 کو بریار ئەوە دڤێت ناڤێن سازیێن حکومی و نەحکومی و هەموو جهێن بازرگانی ب زمانێ کوردی لسەر تابلویێن وان بهێنە نڤیسین .
ژبالخوڤە شهاب یاسین بەرپرسێ هوبا چاڤدێریا بازاری بۆ ئاکرێ نیوز دیارکر کو :" لگوری یاسا یا هژمارە 6 یا سالا 2014ێ ب بریارا سەرۆکێ جڤاتا وەزیرێن هەرێما کوردستانێ دڤێت ناڤێن هەمی سازیێن حکومی و نەحکومی ب کوردی لسەر تابلویێن وانا بهێنە نڤیساندن، پێچەوانە دهێنە سزادان.
ئاماژە دا وێ ئێکێ کو ل بەراهیێ لسەر تابلویێ دڤێت کوردی بهێتە نڤیساندن و لدویڤ دا دروستە ب ئەرەبی و ئینگلێزی ژی لسەر بهێتە نڤیساندن، هەروەسا بۆ ماوێ 15 رۆژاندا ئەڤ بریارا ل تەمامیا باژێرێ ئاکرێ دڤێت بهێتە جێبەجێکرن پشتی ڤان 15 رۆژان یێ ڤێ بریارێ جێ بەجێ نەکەت بۆ هەر رۆژێ دێ ب کوژمێ 50هزار دیناران تاکو 100 هزار دیناران دێ هێتە سزادان