ژ بال پ.هـ .د.( ڕەشاد كەمال مستەفا) راگرێ کولیژا پەروەردا ئاکرێ رێز ل نڤیسکار و رۆژنامەڤان ( کەمال رەمەزان ئاکرەیی ) رێڤەبەرێ رادیویا ئاکرێ هاتەگرتن ژبەر رولێ وی دبیاڤێ راگەهاندنێ و رەوشەنبیری دا کو ئەڤە ٤٠ سالە دبیاڤێ راگەهاندنێ بێ دابران کاردکەت .
تێزانین ئاکرەیی ژبلی بیاڤێ راگەهاندنێ خزمەتەکا مەزن ل وارێ چاندی و وێژەیی پێشکێشی گەل و وەلاتێ خۆ کرییە نەخاسم دبیاڤێ هەلبەستا نەتەوەیی بەرگریێ و دلداریێ دڤی واری دا خودی تایبەتمەندییەک جودایە دگەل نڤیسکارێن بەهدینان.
هەلبەستڤان (کەمال رەمەزان ئاکرەیی ) خودان هەشت دیوانێن چاپکرییە و چەندین هونەرمەندێن مەزن پەیڤ و هەڤوکێن وی کرینە ستران ژ وان هونەرمەندان ( ئەردەوان زاخویی و عبدالله زێرین و محمد تەها ) دگەل دەهان هونەرمەندێن دیتر..
نڤیسکار رولەکێ بەرچاڤ هەبوویە ل دەرئێخستنا رۆژنامە و گوڤارێن دەڤەرێ و سەرنڤیسەرێ چەندین گوڤاران بوویە ژوان ( کۆڤارا رێدار ،کۆڤارا ئاکرێ ، کۆڤارا سیپە ژی رولەکێ بەرچاڤ گێرایە ) دگەل هژمارەکا بەرچاڤا وەشان و کوڤارێن دەڤەرێ شین تلێن وی دخویا و بەرچاڤن .