ئهڤرۆ سهرۆك نێچیرڤان بارزانى و بالیۆزێ هۆلهندا ل ئیراقێ ههژمارهكا مژاران بهحسكرن و گرنگترین ژى ژ وان پێشهاتێن ناڤخۆ و یا ئیراقێ و رهوشا ئاوارهیێن ناڤا كهمپان بوو.
ئهڤرۆ 21-6-2023یێ نێچیرڤان بارزانى، سهرۆكێ ههرێما كوردستانێ ل گهل هانس سادنى، بالیۆزێ هۆلهندا ل ئیراقێ كۆمبوو، باشتركرنا پهیوهندیێن ئیراق و ههرێما كوردستانێ ل گهل هۆلهندا، دوماهى پێشهاتێن و رهوشا ناڤخۆ یا ههرێما كوردستان و ئیراق و ناوچێ و رهوشا ئاوارهیان ل ناڤا كهمپێن ههرێما كوردستانێ هاتنه بهحسكرن.
سهرۆك نێچیرڤان بارزانى زێدهبارى پیرۆزباهیا دهستبكاربوونا هانسى، هیڤیا سهركهفتێ ژى بۆ خواست و پشتهڤانیا ههرێما كوردستانێ بۆ كار و چالاكیێن وى نیشان دا، ههروهسا سوپاسیا هاریكاریێن هۆلهندا بۆ ئیراق و ههرێما كوردستانێ كر ب تایبهت ژى د وارێ بهرفرههكرنا ژێدهرین ئابۆرى و پێشخستنا كهرتێ چاندنێ دا.
ژ ئالیێ خۆ ڤه بالیۆزێ هۆلهندا زێدهبارى دهربڕینا خواستا وهلاتێ خۆ بۆ بهێزكرنا زێدهتر یا پهیوهندیان ل گهل ئیراق و ههرێما كوردستانێ، بهردهوامیا هاریكاریێ بۆ سهقامگێریێ ئیراق و ههرێما كوردستانی دوپاتكر و هاریكاریێن ههرێما كوردستانی بۆ ئاواره و پهنابهران دبلند نرخاند.
بهحسكرنا مافێ مرۆڤى، ارێ رێكخستنێن نهحكومى ل ئیراق و ههرێما كوردستانێ، هندهك بابهتێن دى ژى كو كونسلێ گشتى یێ هۆلهندا ژى ل ههرێما كوردستانێ بهرههڤى كۆمبوونێ ببوو هاتنه بهحسكرن.