حكومه‌تا هه‌رێمێ ئه‌ڤرۆ ئێكشه‌مبیێ راگه‌هاند كو به‌رهه‌مێ ماسیێن هه‌رێما كوردستانێ دێ بۆ ئیراقێ و وه‌لاتێن كه‌نداڤى هێته هنارتن.
حكومه‌تا هه‌رێما کوردستانێ راگه‌هاند؛ مه‌زنترین پرۆژه‌یێ به‌رهه‌مێ ماسیان ل هه‌رێما كوردستانێ و ئیراقێ دێ ل پارێزگه‌ها دهۆكێ هێته دروستكرن كو ژ چه‌ند پشكان پێكدهێت.
ئاشكرا ژى كر؛ د قووناغا ئێكێ دا، پرۆژه‌ى شیانێن به‌رهه‌مئینانا 200 ته‌نێن گوشتێ ماسیان هه‌یه هه‌روه‌سا دێ ب سه‌دان ده‌لیڤه‌یێن كارى په‌یدا كه‌ت.
دیار ژى كریه؛ ئارمانج ژ ڤى پرۆژه‌ى تژیكرنا پێدڤیاتیێن ناڤخۆ و هنارتنا ماسیانە بۆ ده‌رڤه، د قووناغا ئێكێ دا د ساله‌كێ دشێت 1200 ته‌نێن گوشتێ ماسیان به‌رهه‌م بینیت.
شوكرى عومه‌ر رێڤه‌به‌رێ پرۆژه‌یێ به‌رهه‌مێ ماسیان بۆ مالپه‌رێ حكومه‌تێ راگه‌هاند؛ ئه‌ڤه ئێك ژ پرۆژه‌یێن ستراتیژى یه و سه‌رمایه‌یێ وێ 10 ملیۆن دۆلاره و د نوكه دا 500 ده‌لیڤه‌یێن كارى ب شێوه‌یێ ئێكسه‌ر و نه‌ئێكسه‌ر بۆ وه‌لاتیان به‌رده‌ستكرینه